کراچی میں لٹیروں نے شہریوں کو لوٹنے کے لئے نئے نئے طریقے نکال لئے۔ جرائم پیشہ افراد نے جعلی پولیس اہلکار بن کر شہری کو لوٹ لیا۔ نوٹوں کا ہار بنانے والے شہری سے ایک کروڑ 15 لاکھ روپے لوٹ لئے گئے۔
اے آر وائی نیوز کی رپورٹ کے مطابق جعلی پولیس اہلکار نوٹوں کے ہار بنانے والے شہری سے ایک کروڑ 15 لاکھ روپے لے اڑے، واقعے کا مقدمہ سمن آباد تھانے میں درج کرلیا گیا ہے۔
کراچی کے علاقے شاہراہ پاکستان پر مبینہ جعلی پولیس اہلکاروں نے بڑی واردات کی اور قصور کے شہری سے ایک کروڑ 15 لاکھ روپے لوٹ کر فرار ہوگئے۔
واقعے کا مقدمہ سمن آباد تھانے میں درج کرلیا گیا ، جس میں مدعی رمضان نے بتایا کہ قصور کا رہائشی ہوں ، شادی بیاہ میں نوٹوں کےہارکا کام کرتا ہوں اور کاروباری سلسلےمیں کل نئےنوٹ لینے میٹھادر پہنچا تھا۔
مدعی کا کہنا تھا کہ 78لاکھ روپے کے 10 والے نوٹ 13 بوروں میں پیک تھےجنہیں کرائے پر لی گئی سوزوکی کے پیچھے رکھا تھا۔
اس دوران سہراب گوٹھ اڈے کی جانب جاتے ہوئے شاہراہ پاکستان پر روکا گیا اور ملزمان نے خود کو پولیس ظاہر کر کے شاہراہ پاکستان پر نوٹوں کے بورے چھین لئے۔
