شہرقائد میں دودھ کی قیمتوں میں من مانے اضافہ کے خلاف درخواست کی سندھ ہائی کورٹ میں سماعت ہوئی۔ دوران سماعت کمشنر کراچی محمداقبال میمن کی سربراہی میں قیمتوں سے متعلق رپورٹ پیش کی گئی۔
سماعت میں سرکاری وکیل نے موقف اختیار کیا کہ شہر بھر میں دودھ کی قیمت 120 روپے فی لیٹر مقرر کردی گئی ہے اور تمام اسٹیک ہولڈرز نے اس بات پر اتفاق کرلیا ہے۔
درخواست گزار کے وکیل نے عدالت کو بتایاکہ شہر میں اب بھی کئی مقامات پر دودھ 140 روپے فی لیٹر فروخت ہورہا ہے۔ ضلعی انتظامیہ کمیٹی کے فیصلہ پر عمدرآمد کرانے میں ناکام رہی ہے۔
عدالت نے تمام دلائل سننے کے بعد درخواست پر سماعت غیر معینہ مدت کے لئے ملتوی کردی۔
