متحدہ عرب امارات میں بارش برسانے والا سسٹم پاکستان میں داخل ہوگیا۔ سسٹم کے زیراثر کراچی میں آج بھی موسم ابرآلود رہے گا۔ شہر کے مختلف علاقوں میں آج بھی بوندا باندی اور ہلکی بارش کا امکان ہے۔
محکمہ موسمیات کے مطابق آئندہ 24گھنٹوں کے دوران شہر کا موسم خشک اور خنک رہنے کا امکان ہے جب کہ شہر میں بوندا باندی اور ہلکی بارش کی بھی پیشگوئی کی گئی ہے۔
محکمہ موسمیات کے مطابق شہر کا مطلع جزوی ابرآلود رہے گا۔ سورج کی بادلوں کے ساتھ آنکھ مچولی جاری رہے گا۔ کراچی میں آسمان پر بادلوں کی باعث موسم خوشگوار ہوگیا۔
محکمہ موسمیات کے مطابق شہر کا کم سے کم درجہ حرارت 15.2ڈگری سینٹی گریڈ ریکارڈ کیا گیا جب کہ زیادہ سے زیادہ درجہ حرارت 27 سے 29 ڈگری سینٹی گریڈ تک رہنےکا امکان ہے۔
شہر میں مشرق سے 4 کلو میٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 60 فیصد ہے۔
