سابق ڈی جی آئی ایس آئی لیفٹننٹ جنرل ریٹائرڈ فیض حمید کا کہنا ہے کہ وہ کبھی بھی سیاست میں شامل نہیں ہوں گے۔ فیض حمید نے اس بات کا اظہار دی نیوز کو ایک انٹرویو میں کیا۔
دی نیوز کے سینیئر صحافی انصار عباسی کو دئے گئے انٹرویو میں لیفٹنٹ جنرل ریٹائرڈ فیض حمید نے بتایا کہ انکا سیاست میں آنے کا کوئی ارادہ نہیں ہے۔ انکے سیاست میں آنے سے متعلق تمام خبریں غلط ہیں۔
جنرل (ر) فیض حمید کا کہنا ہے کہ دو سال کی پابندی میں سیاست کا حصہ بنوں گا اور نہ ہی اس کے بعد بھی کبھی سیاست میں آؤں گا۔
واضح رہے گزشتہ روز ایک ویڈیو سوشل میڈیا پر وائرل ہوئی تھی جس میں فیض حمید نے اپنے آبائی گاؤں چکوال میں ایک عوامی اجتماع میں شرکت کی تھی۔
The real threat to Imran Khan is not PDM, but his own dearest friend General Faiz who is planning to takeover PTI when he will be disqualified and arrested. The retired General arranged a meet up in Chakwal where the locals “requested” him to “formally” join politics. pic.twitter.com/HQkHPVQ8f9
— Shama Junejo (@ShamaJunejo) December 15, 2022
ویڈیو میں ایک نامعلوم شخص نےعوامی اجتماع سے خطاب کرتے ہوئے ریٹائرڈ جرنیل کی فوج کیلئے اور اپنے علاقے کیلئے خدمات پر جنرل فیض حمید کی تعریف بھی کی۔
ویڈیو میں ہی دیکھا جا سکتا ہے کہ اس شخص نے ریٹائرڈ جرنیل کو سیاست میں شرکت کی دعوت دی اور کہا کہ وہ ملک کی ترقی کیلئے کردار ادا کریں۔
