-
-
پاکستانی کرنسی کے مقابلے میں ڈالر کی قدر میں کمی کے بعد پیٹرولیم مصنوعات، گاڑیاں، الیکٹرانک سامان اور سونے کی قیمتوں کے بعد تعمیراتی سریے کی قیمتوں میں بھی ریکارڈ کمی دیکھی جارہی ہے۔
سماء نیوز کی رپورٹ کے مطابق مارکیٹ میں تعمیراتی سریے کی قیمت میں 50 ہزار فی ٹن کی کمی ہوئی ہے۔ فی ٹن سریے کی قیمت 2 لاکھ 90 ہزار سے کم ہوکر 2 لاکھ 40 روپے ہوگئی ہے۔
تاجروں کے مطابق اگر پیداواری لاگت کم ہوں تو عام صارفین کےلیے بھی قیمتوں میں کمی آئیگی کیونکہ یوٹیلیٹیز کے بل کی وجہ سے خریداروں کو تاحال کم ہی ریلف ملا ہے۔
واضح رہے کہ رواں سال ملک بھر میں تعمیراتی سامان کی لاگت میں بے تحاشہ اضافہ ہوگیا تھا۔ تعمیرات میں استعمال ہونے والے بجری اور سیمنٹ وغیرہ کی قیمتیں بھی آسمان پر جا پہنچی ہیں۔
