-
-
چیئرمین فاریکس ایسوسی ایشن ملک بوستان کا کہنا ہے کہ آنے والے دنوں میں ڈالر کی قدر میں مذید کمی ہوگی۔ کاروباری مارکیٹ میں ایک ڈالر کی قیمت 185 روپے تک آسکتی ہے۔
فاریکس ایسوسی ایشن کے چیئرمین ملک بوستان نے ڈالر جمع کرنے والوں کو تنبییہ کی ہے ڈالر ذخیرہ کرنے والوں کو نقصان ہوگا۔ کیونکہ چند ہفتوں میں ہی ڈالر 185 روپے تک آجائے گا۔
ملک بوستان کے مطابق اسٹیٹ بینک نے ایکسچینج کمپنیوں کو کیش ڈالر برآمد کرنے کی اجازت دے دی ہے، اس وقت جو شخص ڈالر فروخت کرے گا اس کو منافع ہوگا مگر جو فروخت کرنے کے بجائے ذخیرہ کرے گا تو وہ بعد میں پچھتائے گا۔
ایکسچینج کمپنیز ایسوسی ایشن آف پاکستان سے جاری بیان کے مطابق قائم مقام گورنر اسٹیٹ بینک ڈاکٹر مرتضٰی سید اور ڈپٹی گورنر ڈاکٹر عنایت سے فاریکس ایسوسی ایشن کے وفد نے ملاقات کی۔
ملاقات میں ملک بوستان نے انہیں بتایا کہ گزشتہ ماہ ڈالر کا ریٹ جب 245 روپے تک چلا گیا تھا تو ہم نے عوام سے درخواست کی تھی کہ اس وقت پاکستان کو زرمبادلہ کی اشد ضرورت ہے۔
آپ ڈالر خریدنے کے بجائے اپنے پاس موجود نقد ڈالر اور دوسری غیر ملکی کرنسی جو گھروں اور لاکروں میں پڑی ہیں ان کو فروخت کر کے پاکستانی روپے میں سرمایہ کریں کیونکہ ڈالر کا ریٹ بہت جلد 245 روپے سے کم ہوکر 185 روپے تک جاسکتا ہے۔
