کراچی:نیشنل اسٹیڈیم کراچی میِں کھیلے گئے دوسرے ایلیمنیٹر میں لاہور قلندر نے ملتان سلطانز کوشکشت دے دی۔
قلندر نے پہلےکھیلتے ہوئے ملتان سلطانز کو 183 رنز کا ہدف دیا، ملتان سلطانز کی پوری ٹیم 183 رنز پر ہی ڈھیر ہو گئی۔25 رنز کی فتح کے ساتھ قلندرز نے فائنل کے لئےکوالیفائی کر لیا۔
ملتان سلطانز کے کھلاڑیوں کی اس اہم میچ میں کارکردگی مایوس کن رہی۔ لیتھ کے علاوہ کوئی اور بلے باز اچھی بیٹنگ میں ناکام رہا۔ انہوں نے صرف 29 گیندوں کا سامنا کرتے ہوئے 4 چوکوں اور 3 چھکوں کی مدد سے اپنی نصف سنچری بنائی۔
دیگر بلے بازوں میں ذیشان اشرف 12، شان مسعود 27، روسو 18 اور خوشدل خان 30 رنز بنا کر نمایاں بلے باز رہے۔ لاہور قلندرز کی جانب سے وائس اور حارث رؤف نے 3، 3 جبکہ شاہین آفریدی اور اور دلبر حسین نے دو دو کھلاڑیوں کو آؤٹ کیا۔
اس سے قبل ملتان سلطانز نے ٹاس جیت کر لاہور قلندرز کو پہلے بلے بازی کی دعوت دی تھی۔ لاہور قلندرز کی جانب سے دونوں اوپنرز نے شاندار بلے بازی کی اور ٹیم کو اچھا آغاز دیا۔ تمیم اقبال 30 رنز بنا سکے جبکہ فخر زمان نے 46 رنز بنائے۔ تاہم اس کے بعد آنے والے کھلاڑی خاطر خواہ کارکردگی نہ دکھا سکے۔ کپتان سہیل اختر صرف پانچ جبکہ گزشتہ روز ٹیم کو فتح دلوا کر مین آف دی میچ حاصل کرنے والے محمد حفیظ نے 19 رنز بنائے۔
بی آر ڈنک بھی آتے ہی چلتے بنے، انہوں نے صرف تین رنز بنائے۔ بوم بوم آفریدی نے انھیں اپنی خوبصورت گیند پر بولڈ کیا۔ تاہم آخری اوورز میں سمیت پٹیل اور ڈی وائس نے جارحانہ بلے بازی سے اپنی ٹیم کا سکور آگئے بڑھایا۔
سمیت پٹیل ایک اونچی شارٹ کھیلنے کی کوشش میں اننگز کے آخری اوور میں 26 رنز بنا کر آؤٹ ہوئے۔ وائس آخری تک کھیلے اور آخری گیند پر چھکا مار کر ٹیم کا سکور 182 کر دیا۔
ملتان سلطانز کی جانب سے شاہد خان آفریدی 2 وکٹیں حاصل کرکے کامیاب باؤلر رہے۔ دیگر گیند بازوں میں لیتھ، سہیل تنویر، محمد الیاس اور جنید خان کے حصے میں ایک ایک وکٹ آئی
