-
-
پیپلز پارٹی نے کراچی میٹروپولیٹین کارپوریشن کے میئر اور ڈپٹی میئر سمیت شہر کے تمام 13 ٹاؤن کے لئے چیئرمین اور وائس چیئرمین کے امیدواروں کے ناموں کا اعلان کردیا ہے۔ پیپلز پارٹی سندھ کے صدر نثار کھوڑو نے بلاول ہاؤس کراچی میں پریس کانفرنس میں تمام امیدواروں کا اعلان کیا۔
میٹروپولیٹن کارپوریشن کراچی کے میئر کے لئے سابق ایڈمنسٹریٹر کراچی اور سندھ حکومت کے ترجمان مرتضٰی وہاب صدیقی کو نامزد کیا گیا ہے۔ سلمان عبداللہ مراد بلوچ ڈپٹی میئر کیلئے امیدوار ہیں۔
پیپلز پارٹی نے ڈسٹرکٹ ملیر میں گڈاپ ٹاؤن میں طارق بلوچ کو چیئرمین اور جام محمد جوکھیو کو وائس چیئرمین نامزد کیا ہے۔ ابراہیم حیدری ٹاؤن میں نزیر بھٹو چیئرمین اور رفیق جٹ وائس چیئرمین کے امیدوار ہیں جبکہ ملیر ٹاؤن میں جان محمد بلوچ چیئرمین اور مزمل شاہ وائس چیئرمین کے امیدوار ہیں۔
ڈسٹرکٹ ویسٹ میں اورنگی ٹاؤن سے جمیل ضیاء چیئرمین، آفان صغیر صدیقی وائس چیئرمین منگھوپیر ٹاؤن میں حاجی نواز بروہی چیئرمین، محمدعارف وائس چیئرمین کیلئے نامزد کئے گئے ہیں۔
ڈسٹرکٹ کیماڑی میں ماڑی پور ٹاؤن سے ہمایوں خان چیئرمین، آصف کوثر وائس چیئرمین، موڑو میرمہر ٹاؤن سے علی اکبر چیئرمین، شوکت بلوچ وائس چیئرمین، بلدیہ ٹاؤن سے عبدالکریم آسکانی چیئرمین اور عجب خان سواتی وائس چیئرمین کیلئے امیدوار ہیں۔
ڈسٹرکٹ ساؤتھ میں لیاری ٹاؤن میں چیئرمین کیلئے ناصر کریم بلوچ اور وائس چیئرمین کیلئے محمداقبال ہنگورو امیدوار ہیں۔ اسی طرح ڈسٹرکٹ کورنگی میں کورنگی ٹاؤن میں محمدنعیم شیخ چیئرمین اور زرین اعوان وائس چیئرمین کیلئے نامزد کئے گئے ہیں۔
ڈسٹرکٹ ایسٹ میں صفورا ٹاؤن میں کلیم اللہ چیئرمین، عبدالحق وائس چیئرمین، چنیسر ٹاؤن میں فرحان غنی چیئرمین ، محمدشہزاد وائس چیئرمین، سہراب گوٹھ ٹاؤن میں لالہ عبدالرحیم کو چیئرمین اور عمران بروہی کو وائس چیئرمین کیلئے شارٹ لسٹ کیا گیا ہے۔
