مسلم لیگ ن کے رہنما ایاز صادق کے بیان پر حکومتی وزراء کی جانب سے شدید ردعمل کا سلسلہ جاری ہے، ننکانہ صاحب میں سیرت النبی کانفرنس سے خطاب کرتے ہوئے وفاقی وزیر داخلہ اعجاز شاہ کا کہنا تھا کہ حکومت دشمنی میں سیاسی جماعتیں حد پار کر گئی ہیں، سیاسی جماعت کے رہنما کی طرف سے آرمی چیف پر الزام تراشی کی گئی اور ایاز صادق نے ہماری فوج اور ابھی نندن سے متعلق بہت غلط بات کی ہے، پاک فوج کے خلاف بولنے والوں کو بھارت چلے جانا چاہیے۔
اعجاز شاہ کا کہنا تھا کہ ایازصادق کےخلاف آرٹیکل 6 کے تحت کارروائی کی لوگوں نے درخواستیں دیں، لاہور اور اسلام آباد میں دی گئی درخواستوں کو قانونی مشاورت کے لیے بھیجا ہے۔
