پاکستان کی پہلی ماہر تعمیرات (Architect) یاسمین لاری کو برطانوی شاہی ایوارڈ کیلئے منتخب کیا گیا ہے۔ یاسمین لاری کو ماحول دوست، زیرو کاربن اور خود سے تعمیر کردہ گھروں کی تعمیر پر ایوارڈ کیلئے منتخب کیا گیا ہے۔
میڈیا رپورٹس کے مطابق رائل انسٹی ٹیوٹ آف برٹس آرکیٹیکٹس نے یاسمین لاری کو برطانوی شاہی گولڈ میڈل ایوارڈ کیلئے منتخب کیا ہے۔ یہ ایوارڈ ذاتی طور پر برطانوی بادشاہ کی جانب سے منظور کیا جاتا ہے۔ یاسمین لاری کو یہ ایوارڈ جون 2023 میں پیش کیا جائے گا۔
یاسمین لاری نے پاکستان میں موسمیاتی تبدیلی کے باعث آنے الی قدرتی آفات سے بے گھر ہونے والوں کیلئے ماحول دوست اور سستے گھر کی تعمیر کا منصوبہ بنایا اور انکے اس پلان کو دنیا سراہ رہی ہے۔
یاسمین لاری نے سال 2000 سے غریب اور بے گھر افراد کی آبادی کاری پر کام کررہی ہیں، یاسمین لاری کو دیہی خواتین کے لیے دھویں کے بغیر ماحول دوست اور صحت کے موزوں چولہے بنانے کے حوالے سے بھی جانا جاتا ہے۔
یاسمین لاری نے کراچی کی کئی شاہکار عمارتوں کو ڈیزائن کیا لیکن اب وہ اپنے کام پر فخر نہیں کرتیں، اب وہ چونے اور مٹی سے بنی تعمیرات کو فروغ دے رہی ہیں جو کاربن فٹ پرنٹ کم کرنے کے ساتھ سستی اور پائیدار بھی ہیں۔
