بھارت میں کرکٹ ورلڈ کپ میں شرکت سے متعلق ہائی پروفائل کمیٹی قائم کر دی گئی۔ یہ کمیٹی پاکستان کے ورلڈ کپ میں شرکت کے بارے میں فیصلہ کرے گی۔
اس ہائی پروفائل کمیٹی کی سربراہی وزیر خارجہ بلاول بھٹو کریں گے، کمیٹی میں وفاقی وزرا رانا ثنا اللہ، اعظم تارڑ، احسان مزاری، مریم اورنگزیب، اسعد محمود، امین الحق، قمر زمان کائرہ اور طارق فاطمی شامل ہیں۔
قومی سلامتی کے اداروں کے سربراہان، سیکرٹری خارجہ بھی ہائی پروفائل کمیٹی کا حصہ ہوں، کمیٹی بھارت میں ورلڈ کپ سے متعلق تمام امور پر سفارشات مرتب کرے گی۔
میڈیا رپورٹس کے مطابق کمیٹی کی سفارشات کی روشی میں ورلڈ کپ میں شرکت کا فیصلہ کیا جائے گا، حتمی سفارشات منظوری کے لئے وزیراعظم شہبازشریف کو بھجوائی جائیں گی۔
واضح رہے کہ پی سی بی نے قومی ٹیم کی ورلڈ کپ میں شرکت حکومتی اجازت سے مشروط کر رکھی ہے، بھارت میں شیڈول ورلڈکپ میں پاکستان کو پہلا میچ 6 اکتوبر کو نیدرلینڈز کے خلاف کھیلنا ہے۔ پاکستان بھارت کے درمیان کرکٹ ورلڈ کپ کا میچ اکتوبر کو بھارت کے شہر احمد آباد میں ہوگا۔
