انٹر بینک میں ڈالر کی قیمت میں کاروباری کے چوتھے روز اضافہ ریکارڈ کیا گیا ہے۔ اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 1 روہے 8 پیسے کا اضافہ ریکارڈ کیا گیا ہے۔
فاریکس ڈیلرز کے مطابق ٹریڈنگ کے دوران انٹر بینک میں ڈالر 1 روپے 8 پیسے اضافے کے بعد ڈالر کی قیمت 187 روپے 25 پیسے ہوگئی ہے۔
چار روز میں ڈالر 6 روپے سے زائد مہنگا ہوا، گزشتہ روزانٹربینک میں ڈالر 1 روپے 90 پیسے مہنگا ہونے کے بعد 188.44 پر بند ہوا تھا۔
کرنسی ماہرین کا کہنا ہے کہ اسلام آباد میں سیاسی بحران ڈالر کی قیمتوں میں تیز اور فوری اضافے کی اصل وجہ ہے جو 7 اپریل کو 188.18 روپے کی بلند ترین سطح پر پہنچ گیا تھا۔
تاہم غیریقینی صورتحال کے خاتمے کے بعد روپے کی بحالی ایک عارضی رجحان ثابت ہوئی، گزشتہ جمعہ کو ڈالر کے مقابلے میں 188.18 روپے سے 3.50 روپے کم ہوکر 184.68 روپے کی سب سے بڑی تاریخی بحالی دیکھی گئی تھی۔
دوسری جانب سٹاک مارکیٹ کے آغاز پر مثبت رجحان دیکھا گیا، 32 پوائنٹس اضافے سے 100 انڈیکس 45 ہزار 975 پوائنٹس کی سطح پر آگیا تاہم بعد ازاں 100 انڈیکس 209 پوائنٹس کمی کے ساتھ 45 ہزار 733 پوائنٹس کی سطح پر گر گیا۔
