آئی سی سی کرکٹ ورلڈکپ کیلئے قومی ٹیم ڈائریکٹر مکی آرتھر نے حیدر آباد دکن میں موجود پاکستان ٹیم کو جوائن کر لیا۔ مکی آرتھر آج صبح حیدرآباد پہنچے۔
ترجمان پاکستان ٹیم کے مطابق مکی آرتھر انگلینڈ سے کاؤنٹی کرکٹ میں اپنی مصروفیات کے اختتام پر بھارت پہنچے ہیں، مکی آرتھر اس سے قبل ایشیا کپ میں چند میچز کے لیے قومی ٹیم کے ساتھ تھے۔
پاکستان ٹیم کے ترجمان کا کہنا ہے کہ مکی آرتھر اب مکمل طور پاکستان ٹیم کے ساتھ موجود رہیں گے۔ ورلڈکپ کے تمام میچز میں مکی آرتھر پاکستان ٹیم کے ساتھ موجود ہوں گے۔
واضح رہے کہ پاکستان کا دوسرا وارم اپ میچ 3 اکتوبر کو آسٹریلیا کے خلاف شیڈول ہے جس کیلئے پاکستان ٹیم آج سہہ پہر کے سیشن میں ٹریننگ کرے گی۔ مکی آرتھر کی کوچنگ میں پاکستان نے 2017 میں چیمپیئنز ٹرافی بھی جیتی تھی۔
