سندھ حکومت نے کراچی کو محفوظ بنانے کیلئے سیف سٹی منصوبہ شروع کرنے کا فیصلہ کیا ہے۔ منصوبے کیلئے 3 ارب روپے کی رقم بھی جاری کردی گئی ہے۔
وزیرداخلہ سندھ ضیاء الحسن لنجار نے ہدایت کی ہے کہ سیف سٹی منصوبے کا پہلا مرحلہ 12 ماہ میں مکمل کیا جائے۔ سیف سٹی منصوبے کی تکمیل سے جرائم کی شرح میں بتدریج کمی اور خاتمے میں مدد ملے گی۔
ضیا لنجار کے مطابق سیف سٹی منصوبہ کراچی کے بعد سندھ کے دیگر شہروں تک وسیع کیا جائے گا، دوسرے مرحلے میں کراچی کو مکمل کور کرنے کی کوشش کی جائے گی۔
صوبائی وزیرداخلہ کا کہنا ہے کہ کوئی حکومت نہیں چاہتی کہ کرائم کی وارداتیں ہوں۔ ’سندھ میں امن وامان کی صورتحال میں بتدریج بہتری آرہی ہے، یہ نہیں کہتا کہ صورتحال مکمل بہتر ہے مگر صورتحال بہتر ضرور ہورہی ہے۔‘
انہوں نے کہاکہ وہ صوبے میں امن وامان کے لیے بھرپور کوششیں کررہے ہیں اور سندھ پولیس کی کارکردگی سے مطمئن ہیں۔
