وزیر اعلیٰ سندھ نے کراچی کے گوٹھ ریگولرائز کرنے کے لیے 10 رکنی کمیٹی تشکیل دیدی۔ کمیٹی 2008 کی پالیسی کے تحت گوٹھ کو ریگولرائز کرنے کیلئے جائزہ لے گی۔
ایکسپریس نیوز کی رپورٹ کے مطابق وزیر اعلیٰ سندھ کی جانب سے کراچی کے گوٹھوں کو ریگولرائز کرنے کے لیے وزیر ریونیو سندھ مخدوم محبوب الزماں کی سربراہی میں دس رکنی کمیٹی تشکیل دے دی گئی ہے۔
کمیٹی کی تشکیل کا کا حکومت سندھ کے محکمہ لینڈ یوٹیلائزیشن نے نوٹیفکیشن بھی جاری کردیا ہے۔ نوٹیفکیشن کے مطابق گاؤں کو ریگولرائز کرنے کے لیے تشکیل دی گئی کمیٹی 21 اگست 2008 کو سندھ حکومت کی دیہات کو ریگولرائز کرنے کی پالیسی کے تحت کے لیے کسی بھی گاؤں کا جائزہ لے گی۔
کمیٹی میں وزیراعلیٰ کے مشیر قانون مرتضیٰ وہاب، سینئر ممبر بورڈ آف ریونیو، ممبر لینڈ یوٹیلائزیشن، ممبر گوٹھ آباد، عوامی نمائندے ایم این اے عبدالحکیم بلوچ شامل ہیں۔
ایم پی اے محمد سلیم بلوچ، سابق سینئر ممبر بورڈ آف ریونیو اشفاق احمد، ڈائریکٹر سیٹلمینٹ سروے اینڈ لینڈ ریکارڈ ڈپارٹمینٹ اور متعلقہ ڈپٹی کمشنر کو شامل کیا گیا ہے۔
