-
-
پاکستان کے معروف گلوکار اور برابری پارٹی پاکستان کے نام سے سیاسی جماعت رکھنے والے جواداحمد نے وزیراعظم عمران خان سے اظہار یکجہتی کیلئے بنائی گئی ویڈیو میں اپنے گانے تم جیتو یا ہارو کے بلااجازت استعمال پر سخت برہمی کا اظہار کیا ہے۔
گلوکارنے موجودہ صورتحال میں وزیراعظم عمران خان سے اظہاریکجہتی کے لیے کی جانے والی سینیٹرعون عباس کی ایک ٹویٹ پرسخت ردعمل ظاہرکرتے ہوئے واضح کیا کہ یہ گانا اس مقصد کے لیے نہیں بنایا گیا تھا۔
عون عباس کی جانب سے شیئرکیے جانے والےوزیراعظم کے اس ویڈیو کلپ کے پس منظرمیں جواد احمد کا گانا سنائی دے رہا ہے۔
جواد احمد نے اپنی ٹویٹ سخت الفاظ استعمال کرتے ہوئے لکھا، میں نے یہ گانا جھوٹوں اورمنافقوں کےلیے نہیں بلکہ اس ملک کےنوجوانوں کےلیے بنایاتھا، ملک تباہ کرنے پر پوری قوم چاہتی ہے کہ آپ لوگ ہاریں۔
I did not write & sing this song for liars & hypocrites but for Pakistan’s youth. The whole nation wants you people to lose for destroying this country.
میں نےیہ گاناجھوٹوں اورمنافقوں کےلۓنہیں بلکہ اس ملک کےنوجوانوں کےلۓبنایاتھا۔ملک کوتباہ کرنےپرپوری قوم چاہتی ہےکہ آپ لوگ ہاریں۔ https://t.co/rNCNV6I5Pd
— Jawad Ahmad (@jawadahmadone) March 18, 2022
