ملک بھر میں دکانیں اور کاروبار مغرب کے وقت بند کرنے کی تجویز پیش کی گئی ہے۔ وزارت توانائی کی جانب سے ملک میں جاری توانائی بحران اور بجلی کے بڑھتے ہوئے بلوں کے پیش نظر یہ تجویز دی گئی ہے۔
جیو نیوز کے مطابق اس حواے سے وزارتِ توانائی کا کہنا ہے تجویز پر یکم اکتوبر سے 15 فروری تک عمل درآمد کا امکان ہے۔ تجویز پر چاروں صوبائی حکومتوں کو عمل کرنے کا کہا جائے گا۔
بجلی کے بحران پر قابو پانے کے لیے قانون سازی کا مسودہ بھی تیار کیا جا رہا۔ وزارتِ توانائی کے ذرائع نے بتایا ہے کہ اس اقدام سے روزانہ 1500 میگا واٹ سے زائد بجلی کی بچت ہو گی۔
میڈیا رپورٹس کے مطابق تجویز پر عمل درآمد کے لیے تمام چیمبرز آف فیڈریشن اور تاجر تنظیموں سے مشاورت شروع ہو گئی ہے۔
