-
-
آئی سی سی نے کرکٹ ورلڈکپ 2023 کا آفیشل اینتھم ریلیز کردیا ہے۔ اینتھم میں بھارتی فلم انڈسٹری کے سپر اسٹار رنویر سنگھ جلوہ گر ہوئے۔ اینتھم کا نام دل جشن بولے رکھا گیا ہے۔ جسے گلوکار پریتم، ناکاش عزیز، سری راما چندرا، امت مشرا، جونیتا گاندھی، اکاسا اور چرن نے گایا ہے۔
ورلڈکپ اینتھم پر شائقین کرکٹ اپنی پسند اور ناپسند کا اظہار کررہے ہیں لیکن بیشتر مداحوں کو ورلڈکپ کا سانگ پسند نہیں آیا حتٰی کہ بھارت کے شائقین کرکٹ بھی تنقید کررہے ہیں۔
اینتھم میں پاکستان سے متعلق بھی مختلف کلپس شامل ہیں لیکن بیشتر مواقع پر پاکستان کا چھوٹا جھنڈا دکھایا گیا ہے اور چھوٹا جھنڈا دکھانے پر شائقین نے ناپسندیدگی کا اظہار کیا ہے۔
ایک اور پاکستانی فین نے ایکس پر دل ٹوٹنے والی ایموجی پوسٹ کرکے اپنے ردعمل کا اظہار کیا۔ جبکہ ایک مداح نے آئی سی سی کو مشورہ دیا کہ اسے آئی سی سی ورلڈکپ کا اینتھم کے بجائے بالی ووڈ فلم کا سانگ کہا جائے۔
"official anthem of ICC CWC” hata ker "Bollywood movie song” ker do, phir chale ga
— Shahid Abbasi (@ShahidabbasiPk) September 20, 2023
شائقین کرکٹ نے اینتھم پر کان کے ڈراپس کی مختلف میمز شیئر کرکے بھی گانے سے اپنی ناپسندیدگی کا اظہار کیا۔
— iffi (@iffiViews) September 20, 2023
بھارت کے مداحوں کو بھی آفیشل اینتھم پسند نہ آیا اور مداحوں کو 2011 ورلڈکپ کے اینتھم دے گھما کے کی یاد آگئی۔
This was best 🔥❤️ pic.twitter.com/BBp0YsMNFR
— tweetsforupsc (@factsforupsc) September 20, 2023
بھارت کے ایک اور مداح نے پوسٹ کی کہ اس گانے سے ورلڈکپ اور کرکٹ کا جوش پیدا نہیں ہوا۔
Not giving the vibes.
— Indian Right Wing Community (@indianrightwing) September 20, 2023
ایک اور بھارتی فین نے پوسٹ کی کہ وہ اس گانے کو آواز کے شور پر رپورٹ کرنا چاہتی ہیں۔
I want to report it under Noise Pollution
— Shivani (@meme_ki_diwani) September 20, 2023
چند مداحوں نے سوال کیا کہ یہ کیسا ورلڈکپ کا اینتھم ہے جسے صرف بھارت اور پاکستان کے لوگ سمجھ سکتے ہیں۔ شائقین کرکٹ نے آئی سی سی کو ورلڈکپ کیلئے بہتر اینتھم بنانے کے مشورے بھی دئے۔
