چیف سلیکٹر انضمام الحق نے ورلڈکپ کیلئے پاکستان کے 15 رکنی اسکواڈ کا اعلان کردیا۔ 15 رکنی اسکواڈ کے ساتھ 3 ریزرو پلیئرز کا بھی اعلان کیا گیا ہے جو ٹیم کے ساتھ ہی ورلڈکپ کھیلنے بھارت جائیں گے۔
کرکٹ کے عالمی کپ میں بابراعظم ہی ٹیم کی قیادت کریں گے جبکہ شاداب خان نائب کپتان کی ذمہ داریاں انجام دیں گے۔ ایشیا کپ میں انجری کا شکار ہونے والے نسیم شاہ کی جگہ حسن علی کو اسکواڈ میں شامل کرلیا گیا۔
🚨 Our squad for the ICC World Cup 2023 🚨#WeHaveWeWill | #CWC23 pic.twitter.com/pJjOOncm56
— Pakistan Cricket (@TheRealPCB) September 22, 2023
ایشیا کپ کھیلنے والے دیگر اسکواڈ کو برقرار رکھا گیا ہے جس میں عبداللہ شفیق، فخرزمان، حارث رؤف، افتخاراحمد، امام الحق، محمدنواز، محمدرضوان، محمدوسیم جونیئر، سلمان علی آغا، سعود شکیل، شاہین شاہ آفریدی اور اسامہ میر شامل ہیں۔
ابراراحمد اور ابھرتے ہوئے فاسٹ باؤلر زمان خان کو ریزرو پلیئرز میں شامل کیا گیا ہے۔ وکٹ کیپر بیٹر محمدحارث بھی ورلڈکپ کے ریزرو پلیئرز میں شامل ہیں۔
