-
-
چیف جسٹس آف پاکستان عمر عطاء بندیال کی آئینی مدت آج ختم ہورہی ہے۔ چیف جسٹس افسران اور اسٹاف سے الوداعی خطاب کے دوران جذباتی ہوکر آبدیدہ ہوگئے۔
چیف جسٹس آف پاکستان عمر عطاء بندیال نے مدت ملازمت کے آخری روز سپریم کورٹ کے افسران اور اسٹاف سے الوداعی ملاقات کی اور اپنے الوداعی خطاب کے دوران آبدیدہ بھی ہوگئے۔
چیف جسٹس نے دوران خطاب خود کو ڈوبتے سورج سے تشبیہ دی اور کہا کہ میری حالت اب ڈوبتے سورج جیسی ہے۔
انہوں نے کہا کہ آپ کے ساتھ بطور سپریم کورٹ جج 9 سال بڑے اچھے گزرے، آپ لوگوں کا ابھی وقت پڑا ہے، آپ سب اپنی بھرپور لگن سے کام کریں۔
ان کا کہنا ہے کہ ملک کو معاشی و دیگر چیلنجز کا سامنا ہے، جب سب اکٹھے ہوں گے تو یہ بحران نہیں رہے گا۔ چیف جسٹس عمر عطا بندیال نے کہا کہ آپ سب کے تعاون کا بہت بہت شکریہ۔
واضح رہے چیف جسٹس عمرعطاء بندیال آج ریٹائر ہورہے ہیں۔ جسٹس قاضی فائز عیسٰی کل چیف جسٹس کے طور پر حلف اٹھائیں گے۔ حلف برداری کی تقریب ایوان صدر میں کل صبح 11 بجے ہوگی۔
