-
-
پاکستان تحریکِ انصاف (پی ٹی آئی) سندھ کے صدر نے گزشتہ روز کراچی کے میئر اور ڈپٹی میئر کے انتخاب میں پی ٹی آئی اراکین کے نہ پہنچنے کے معاملے کی تحقیقات کے لیے کمیٹی تشکیل دے دی۔
تحقیقاتی کمیٹی کی تشکیل کا نوٹیفکیشن بھی جاری کر دیا گیا ہے جس کے مطابق 11 رکنی تحقیقاتی کمیٹی اراکین کے نہ پہنچنے کے معاملے کی تحقیقات کرے گی۔ کمیٹی آج شام 5 بجے تک رپورٹ صدر پی ٹی آئی سندھ کے حوالے کرے گی۔
کمیٹی میں خرم شیر زمان، ارسلان گھمن، عطاء اللّٰہ خان، آفتاب جہانگیر، فہیم خان، سعید آفریدی ، راجہ اظہر، ڈاکٹر شہاب امام اور ایڈووکیٹ شجاعت علی خان بھی کمیٹی میں شامل ہیں۔
کمیٹی ووٹ نہ دینے والے تمام یو سی چیئرمین کے خلاف کارروائی کا بھی فیصلہ کرے گی اور یو سی چیئرمین کے خلاف تمام قانونی آپشن سے بھی پارٹی کو آگاہ کرے گی۔
واضح رہے گزشتہ روز پیپلز پارٹی کے مرتضٰی وہاب 173 ووٹ لے کر میئر کراچی منتخب ہوئے تھے۔ جماعت اسلامی کے حافظ نعیم الرحمان کو 161 ووٹ ملے تھے۔ میئر کراچی کا انتخاب شو آف ہینڈ کے ذریعے کیا گیا تھا۔
