موسم گرما میں بھی گیس بحران برقرار رہنے کا خدشہ

پاکستان میں موسم سرما ختم ہورہا ہے لیکن گیس کا بحران ختم ہونے کا نام نہیں لے رہا۔ آنے والے چند ماہ میں بھی گیس کا بحران برقرار رہنے کا خدشہ پیدا ہوگیا ہے۔ مارچ میں پاکستان آنے والے 2 ایل این جی کے کارگو منسوخ ہوگئے ہیں۔

پیٹرولیم ڈویژن کے ذرائع کے مطابق ایل این جی ٹینڈر دو عالمی کمپنیوں نے منسوخ کیے ہیں، دونوں کمپنیوں سے پاکستان کے ایل این جی سپلائی کے طویل مدت کے معاہدے ہیں۔ منسوخ کیے گئے ایل این جی کارگوز کی ڈلیوری دو سے تین مارچ اور دس سے گیارہ مارچ تک ہونا تھی۔

میڈیا رپورٹس کے مطابق پاکستان ایل این جی لمیٹڈ نے اسپاٹ خریداری کیلئے ہنگامی ٹینڈر جاری کردیے ہیں۔ واضح رہے سوئی سدرن گزشتہ ہفتے خبردار کرچکا ہے کہ اس بار گرمیوں میں بھی گیس کا بحران رہے گا۔

admin