بلوچستان میں سیکیورٹی صورتحال کے پیش نظر ایڈوکیٹ فاطمہ نزر نے الیکشن کمیشن میں عام انتخابات کو ملتوی کرنے کے لئے درخواست دائر کردی۔
ایڈوکیٹ فاطمہ نذر کی جانب سے الیکشن کمیشن میں دائر درخواست میں موقف اپنایا گیا ہے کہ عام انتخابات کی تاریخ دئیے جانے کے بعد سے بلوچستان میں سیکورٹی صورتحال نازک ہو گئی ہے۔
عام انتخابات ملتوی کرانے کی درخوست کا متن ہے کہ الیکشن کی تاریخ کے بعد سےمکران ڈویژن میں دہشتگردی کے واقعات میں اضافہ ہوا۔ دیہاڑی دار مزدوروں کے قتل،ٹارگٹ کلنگ،آئی ای ڈی بلاسٹ اور خودکش حملوں کی لہر بڑھی گئی ہے۔
درخواست گزار کا مزید کہنا تھا کہ کیچ اور گوادر میں گزشتہ تین ماہ کے دوران 61 دہشگردی کے واقعات میں 32 زندگیوں کے چراغ غل ہوئے جبکہ بلوچستان میں بیشتر آبادی کو آمدرافت میں بھی مسائل کا سامنا ہے۔
ایڈوکیٹ فاطمہ نذر نے عام انتخابات ملتوی کرانے کی درخواست میں مزید کہا کہ موجودہ صورتحال میں مطلوبہ ٹرن آوٹ ملنا ممکن نہیں ہے لہذا ملک میں انتخابات ملتوی کیے جائیں۔
