مزار قائد پر نعرے بازی کا کیس: کیپٹن (ر) صفدر کو عدالت میں پیش ہونے کا حکم

کراچی کی جوڈیشل مجسٹریٹ شرقی کی عدالت میں مزار قائد پر نعرے اور مبینہ بے حرمتی سے متعلق کیس کی سماعت ہوئی جس میں مسلم لیگ (ن) کے رہنما کیپٹن (ر)صفدر کے وکلا نے حاضری سے استثنیٰ کی درخواست دائر کردی۔

کیس کے  تفتیشی افسر نے چالان جمع کرانے کے لیے مہلت طلب کرلی جس پر  عدالت نے تفتیشی افسر کو چالان جمع کرانے کے لیے 3 دن کی مہلت دے دی۔

عدالت نے کیپٹن (ر) صفدر کو آئندہ سماعت پر پیش ہونے کا حکم بھی دیا۔