پاکستان کی جانب سے ٹیسٹ فارمیٹ میں طویل عرصے تک نمائندگی کرنے والے اور کئی کامیابیاں دلوانے والے اسدشفیق نے تعلیم مکمل کرنے کا فیصلہ کیا ہے۔ اسدشفیق نے جامعہ کراچی میں داخلہ لے لیا ہے۔
ٹیسٹ کرکٹر اسد شفیق نے منگل کو صدر شعبہ پروفیسر ڈاکٹر باسط انصاری کے ہمرسازہ وائس چانسلر پروفیسر ڈاکٹر خالد محمود عراقی سے ملاقات کی۔
اسد شفیق نے شعبہ ہیلتھ فزیکل ایجوکیشن اینڈ اسپورٹس سائنسز میں داخلہ لیا ہے۔اسد شفیق نے تعلیم کے میدان میں بھی اچھی کارکردگی دکھانے کا عزم طاہر کرتے ہوئے علم کو سب سے بڑی دولت قرار دیا۔
شیخ الجامعہ نے قومی کرکٹرز میں بھی اعلیٰ تعلیم حاصل کرنے کے رجحان میں اضافہ پر مسرت کا اظہار کیا۔ وائس چانسلر پروفیسر ڈاکٹر خالد کا کہنا تھا کہ ہماری نوجوان نسل کوکھیل کود میں بھی حصہ لینا چاہیئے جو ذہنی وجسمانی نشوونما کے لئے ناگزیر ہے۔
واضح رہے کہ گزشتہ دنوں قومی ٹیم کے سابق کپتان محمد حفیظ نے بھی کراچی یونیورسٹی کے شعبہ ہیلتھ اینڈ فزیکل ایجوکیشن میں داخلہ لیا تھا جبکہ سابق کپتان سرفرازاحمد بھی اس سے قبل جامعہ کراچی میں داخلہ لے چکے ہیں۔
