آسٹریلیا کے خلاف 3 ٹیسٹ میچز کی سیریز کے لئے پاکستان کے 16 رکنی اسکواڈ اور 5 ریزرو کھلاڑیوں کا اعلان کردیا گیا۔ شان مسعود اور حارث رؤف کی قومی اسکواڈ میں واپسی ہوئی ہے۔ انہیں عابدعلی اور بلال آصف کی جگہ اسکواڈ میں شامل کیا گیا۔ سرفرازاحمد ریزرو کھلاڑیوں میں شامل ہیں۔
سلیکشن کمیٹی کے اعلان کردہ 16 رکنی ٹیسٹ اسکواڈ میں کپتان بابراعظم اور نائب کپتان محمد رضوان شامل ہیں۔ دیگر کھلاڑیوں میں عبداللّٰہ شفیق، اظہر علی، فہیم اشرف، فواد عالم ، حارث رؤف ، حسن علی اور امام الحق شامل ہیں۔
محمد نواز، نعمان علی ، ساجد خان ، سعود شکیل، شاہین شاہ آفریدی، شان مسعود اور زاہد محمود بھی اسکواڈ کا حصہ ہیں۔ ریزرو کھلاڑیوں میں کامران غلام، محمد عباس، نسیم شاہ، سرفراز احمد اور یاسر شاہ کو شامل کیا گیا ہے۔
پی سی بی نے ثقلین مشتاق کو بھی مزید 12 ماہ کے لیے قومی کرکٹ ٹیم کا ہیڈ کوچ مقرر کر دیا ہےجبکہ آسٹریلیا کے سابق فاسٹ بولر شان ٹیٹ 12 ماہ کے لیے قومی کرکٹ ٹیم کے فاسٹ باؤلنگ کوچ مقرر کیے گئے ہیں۔
محمد یوسف آسٹریلیا سیریز کے لیے بیٹنگ کوچ ہوں گے، سپورٹ اسٹاف کے دیگر ارکان میں منیجر منصور رانا اور فیلڈنگ کوچ عبدالمجید شامل ہیں جبکہ سیریز کے لیے شاہد اسلم اسسٹنٹ ٹو ہیڈ کوچ، کلف ڈیکن فزیو تھراپسٹ اور ڈریکس سائمن اسٹرنتھ اینڈ کنڈیشنگ کوچ ہیں۔
