وفاقی بورڈ آف ریونیو نے فیڈرل ایکسائز ڈیوٹی ادا نہ کرنے پر پاکستان انٹرنیشنل ایئرلائن کے اکاؤنٹس منجمند کردئے۔ اکاؤنٹس 4 ارب روپے ٹیکس کی وصولی تک منجمند رہیں گے۔
میڈیا رپورٹ کے مطابق ایف بی آر ذرائع کا کہنا ہے پی آئی اے نے 2 سال سے ٹکٹ پر وصول کی جانے والی فیڈرل ایکسائز ڈیوٹی جمع نہیں کرائی ہے۔ قومی ایئرلائن نے تقریباً ساڑھے 4 ارب روپے کی ادائیگی نہیں کی۔
ایف بی آر ذرائع کے مطابق پاکستان بھر میں پی آئی اے کے 50 اکاؤنٹس منجمند کئے گئے ہیں اور اس عمل سے اب تک 46 کروڑ 50 لاکھ روپے وصول کئے جاچکے ہیں۔
