سربراہ تنظیم ایم کیو ایم بحالی کمیٹی ڈاکٹر فاروق ستار کی والدہ کراچی میں انتقال کر گئیں۔ سینئر سیاستدان فاروق ستار نے والدہ کے انتقال کی تصدیق کی ہے۔
ڈاکٹرفاروق ستارکی والدہ شدید علیل تھیں اور کراچی کے نجی اسپتال میں وینٹی لیٹر پر تھیں۔ فاروق ستار کی والدہ کی عمر 85 برس تھی۔
ڈاکٹر فاروق ستار صاحب کی والدہ کا جسد خاکی لیاقت نیشنل اسپتال سے ایدھی ایمبولینس کے ذریعے جمشد روڈ سردخانے منتقل کردیا گیا ہے۔
فاروق ستار کی والدہ کی نماز جنازہ بعد نماز عصر کراچی پی آئی بی کالونی کے ایم سی گراؤنڈ میں ادا کی جائے گی۔ سوشل میڈیا پر فاروق ستار نے پیغام میں بتایا کہ نماز جنازہ بعد نماز عصر ساڑھے 5 بجے ادا کی جائے گی۔ تدفین یاسین آباد قبرستان میں ہوگی۔
اس موقع پر ایم کیو ایم پاکستان کے کنوینر ڈاکٹر خالد مقبول صدیقی نے ڈاکٹر فاروق ستار کی والدہ کے انتقال پر دکھ اور افسوس کا اظہار کیا ہے۔
انہوں نے کہا کہ ہم ڈاکٹر فاروق ستار کے غم میں برابر کے شریک ہیں اور دکھ کی اس گھڑی میں ان کے ساتھ کھڑے ہیں۔ اللہ تعالیٰ مرحومہ کے درجات بلند فرمائے اور انہیں جنت الفردوس عطا فرمائے۔
