چیئرمین پاکستان تحریک انصاف عمران خان کی سابق اہلیہ ریحام خان نے تیسری شادی کرلی۔ ریحام خان کی شادی مرزا بلال کے ساتھ ہوئی۔
سابق وزیراعظم کی سابق اہلیہ ریحام خان نے مرزا بلال بیگ سے تیسری شادی کرلی ، انہوں نے سماجی رابطے کی ویب سائٹ ٹوئٹر پر ایک تصویر شیئر کرتے ہوئے مداحوں کو تیسری شادی کے حوالے سے آگاہ کیا۔
— Reham Khan (@RehamKhan1) December 23, 2022
ریحام خان نے سوشل میڈیا بلاگنگ سائٹ انسٹاگرام پر اپنے تیسرے شوہر مرزا بلال کی تصویر شیئر کی، جس میں انہوں نے لکھا ’میں نے اپنا ساتھی ڈھونڈ لیا‘۔
Finally found a man who I can trust @MirzaBilal__ pic.twitter.com/nx7pnXZpO6
— Reham Khan (@RehamKhan1) December 23, 2022
واضح رہے کہ ماضی میں بی بی سی اور دیگر اداروں سے بحیثیت براڈکسٹر وابستہ رہنے والی صحافی ریحام خان نے پہلی شادی سنہ 1990 میں کی تھی جو 2005 میں طلاق پر ختم ہوئی۔
ریحام خان نے دوسری شادی جنوری 2015 میں پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان سے کی تھی مگر 10 ماہ میں ہی ان کے درمیان اکتوبر 2015 میں ہی طلاق ہوگئی۔
