وزیراعلی سندھ مراد علی شاہ کا کہنا ہے کہ آصف زرداری اور بزنس مین ملک ریاض کے درمیان ٹیلی فونک گفتگو کی لیک آڈیو کو درست قرار دے دیا۔
اسلام آباد کی نیب عدالت میں نوری آباد پاور پلانٹ ریفرنس کی سماعت کے بعد میڈیا سے گفتگو کرتے ہوئے وزیراعلیٰ سندھ مراد علی شاہ نے کہا لیک آڈیو کی عمران خان اور زرداری صاحب کی لیک آڈیو کو درست سمجھتا ہوں۔
عمران خان اور زرداری صاحب نے آڈیو کی تردید نہیں کی۔ عمران خان تقریر میں اسلامی ٹچ دیتے ہیں کلمہ پڑھ کر کہہ دیں کہ انہوں نے ملک ریاض سے رابطہ نہیں کیا۔ سنا ہے شاہ محمود قریشی نے آڈیو کی تردید کی لیکن کیا وہ اس موقع پر موجود تھے۔
مراد علی شاہ کا مزید کہنا تھا کہ نیب اور انتخابی اصلاحات بلز پارلیمنٹ کے جوائنٹ سیشن میں پاس کیے گئے۔صدر مملکت کا عہدہ قابل احترام ہے لیکن اب صدر مملکت اپنے اختیارات کا غلط استعمال کررہے ہیں۔ ڈاکٹر عارف علوی پی ٹی آئی کے ورکر نہ بنیں۔
آئین کے مطابق صدر وزیراعظم کی تجویز پر عمل کرنے کا پابند ہے اگر10 روزبعد تک وزیراعظم کی تجویز نہیں مانی جاتی تو آئین کے مطابق اس تجویز پر عملدرآمد شروع ہو جاتا ہے۔
وزیراعلیٰ سندھ نے کہا کہ پی ٹی آئی نے نیب قوانین میں ترامیم کیں جن سے انتقامی مقدمے بن سکتے تھے۔ نیب کا طریقہ کار یہ تھا کہ 10،10 سال کیس چلتا تھا۔نیب کے حوالے سے ترامیم کردی گئی ہیں اب غلط کیس بنانے پرنیب افسران کو5 سال کی سزا ہوگی۔
