چین کی ملٹی نیشنل کمپنی علی بابا کے شریک بانی اور دنیا کے امیرترین شخصیات میں شامل جیک ما اچانک خفیہ دورے پر پاکستان پہنچے۔ جیک ما نجی دورے پر پاکستان کے دوسرے بڑے لاہور پہنچے۔ جیک ما مبینہ طور پر جمعرات کو ہانگ کانگ بزنس ایوی ایشن کے ایک چارٹرڈ طیارے پر پاکستان کے لیے سفر پر روانہ ہوئے تھے۔
سابق وزیرِ مملکت اور بورڈ آف انویسٹمنٹ کے چیئرمین محمد اظفر احسن نے سماجی رابطے کی ویب سائٹ ٹوئٹر پر جیک ما کے دورہ پاکستان کی تصدیق کی اور بتایا کہ جیک ما دراصل ایک نجی دورے پر لاہور میں موجود ہیں۔ جیک ما 30 جون کو دورہ پاکستان پر پہنچے تھے۔
He is actually in Lahore and purely a private visit. China Embassy is also not aware about the details of his visit and engagements here.
— Muhammad Azfar Ahsan (@MAzfarAhsan) June 30, 2023
سابق وزیرمملکت نے اپنے ٹوئٹ میں لکھا ہے کہ جیک ما 7 افراد کی ایک ٹیم کے ساتھ پاکستان آئے ہیں جن میں 5 چینی، 1 امریکی اور 1 ڈنمارک کا شہری شامل ہے۔
محمداظفراحسن نے بتایا کہ جیک ما کا یہ دورہ پاکستان اچانک اور خفیہ ہے اور انکی پاکستان آمد اور یہاں کی مصروفیات سے متعلق چینی سفارت خانے کو بھی علم نہیں ہے۔
@JackMa during his stay in Lahore pic.twitter.com/xh9tv1TQdF
— Muhammad Azfar Ahsan (@MAzfarAhsan) July 2, 2023
محمداظفراحسن نے ٹوئیٹر پر ہی مزید پیغامات میں جیک ما کی لاہور میں اپنے دوستوں کے ساتھ تصاویر شیئر کرتے ہوئے بھی انکی پاکستان آمد کی تصدیق کی۔
