کراچی کی سیشن کورٹ نے سعید غنی کی ہتک عزت کی درخواست کا فیصلہ سنادیا۔ عدالت نے اینکرپرسن شاہدمسعود اور نجی ٹی وی چینل کو سعید غنی کو ایک کروڑ روپے ہرجانہ ادا کرنے کا حکم دیا ہے۔
عدالت نے شاہدمسعود کی جانب سے سعیدغنی پر عائد کردہ الزامات کو جھوٹا قرار دیا۔ عدالت نے شاہدمسعود کی عدم حاضری پر سعید غنی کے حق میں فیصلہ سنایا۔
سعیدغنی کا موقف ہے کہ شاہدمسعود نے انکے خلاف جھوٹی اور من گھڑت خبریں نشر کیں۔ سوشل میڈیا پر بھی سعیدغنی نے اپنے پیغام میں لکھاکہ وہ ایک طویل اور قانونی جنگ جیت گئے ہیں۔ ایڈیشنل سیشن جج نے ہتک عزت کے دعویٰ پر انکے حق میں فیصلہ سنادیا ہے۔
