عدالت نے کراچی میں ایڈمن ایمپائز ہاؤسنگ سوسائٹی میں غیرقانونی تعمیرات سے متعلق درخواست پر فیصلہ سنادیا۔ عدالت نے غیرقانونی تعمیرات روکنے کا حکم دے دیا۔
سندھ ہائی کورٹ میں کراچی کی ایڈمن ایمپلائز ہاؤسنگ سوسائٹی بلاک 5 میں غیر قانونی تعمیرات سے متعلق مقدمے کی سماعت ہوئی۔
درخواستگزار کے وکیل نے عدالت سے استدعا کی کہ کراچی ایڈمن ایمپلائز ہاؤسنگ سوسائٹی بلاک 5 میں غیر قانونی تعمیرات کی جارہی ہیں۔ بلڈر بغیر اجازت نامے حاصل کئے تعمیرات کر رہا ہے۔
سندھ بلڈنگ اینڈ کنٹرول اتھارٹی (ایس بی سی اے) کو اس حوالے سے شکایت کی گئی لیکن کوئی ایکشن نہیں لیا گیا۔ بلڈر کی جانب سے پلاٹ نمبر بی 172 بلاک 5 میں غیر قانونی تعمیرات کو روکا جائے۔ عدالت نے ریمارکس دیئے کہ اگر تعمیرات غیر قانونی ہیں تو فوری روکی جائیں۔
سندھ ہائی کورٹ نے سیکریٹری بلدیات اور ڈی جی ایس بی سی اے کو نوٹسز جاری کرتے ہوئے غیر قانونی تعمیرات فوری روکنے کا حکم دیدیا۔
