کراچی کی مقامی عدالت میں عامرلیاقت حسین کی سابق اہلیہ دانیہ شاہ پر سماجی تنظیم کی جانب سے دائر کردہ سائبر کرائم ایکٹ کے تحت کاروائی سے متعلق درخواست کی سماعت ہوئی۔
سماجی تنظیم کے وکیل ایڈوکیٹ عامرجمیل ورک نے عدالت سے استدعا کی کہ کسی کی برہنہ ویڈیو وائرل کرنے کی سزا پانچ سال قید اور جرمانہ ہے۔ ایف آئی سائبر کرائم ایکٹ کی سیکشن 20 ون ڈی کے زمرے میں آتا ہے۔
عامر جمیل ورک کا کہنا تھا کہ دانیہ نے عامرلیاقت کی نازیبا ویڈیوز سوشل میڈیا پر وائرل کیں۔ عدالت ایف آئی اے کو دانیہ شاہ کے خلاف کاروائی کا حکم دے۔
ایف آئی اے کی جانب سے بھی رپورٹ عدالت میں پیش کردی گئی۔ ایف آئی اے عدالت سے استدعا کی کہ عامرلیاقت کے ورثاء نے بھی ایف آئی اے سے رجوع کرلیا ہے۔ درخواست اور دستیاب مواد کی روشنی میں اعلٰی حکام سے مشاورت کیلئے مہلت دی جائے۔
عدالت نے عامر لیاقت کی سابقہ اہلیہ دانیہ شاہ کے خلاف کاروائی سے متعلق درخواست کی مزید سماعت 30 جولائی تک ملتوی کردی۔
