بر صغیر کے نامور صوفی بزرگ سید عبداللہ شاہ غازی کے 1292 سالانہ عرس مبارک کا آغاز آج ہو گا۔ قائم مقام گورنر سندھ آغا سرج درانی عرس کی تقریبات کا افتتاح کریں گے۔
عبداللہ شاہ غازی کے عرس کے موقع پر ایڈمنسٹریٹر کراچی مرتضٰی وہاب نے 22 جولائی کو کراچی میں مقامی تعطیل کا اعلان کر دیا ہے۔
وزیر اعلیٰ سندھ کے معاون خصوصی برائے اوقاف پیر سید احمد رضا شاھ جیلانی نے عرس کے انتظامات کا جائزہ لینے کیلئے سید عبد اللہ شاہ غازی کے مزار پر حاضری دی۔ اس موقع سیکریٹری اوقاف سندھ جاوید صبغت اللہ مہر، چیف ایڈمنسٹریٹر اوقاف عبدالغنی مہر اور ایڈمنسٹریٹر اوقاف کراچی محمد نصرت خان ان کے ہمراہ تھے۔
سید احمد رضا شاہ نے کہا ہے کہ حضرت عبداللہ شاہ غازی کے عرس مبارک میں شریک لاکھوں زائرین کی مہمان نوازی محکمہ اوقاف کی اولین ذمہ داری ہے اس ضمن مین کسی قسم کی کوتاہی کے مرتکب افسران کے خلاف سخت کارروائی عمل میں لائی جائے گی۔
عرس مبارک کی تقریبات کو شایان شان منانے کے لئے تما تر انتظامات مکمل ہیں،دریں اثنا عرس کی تقریبات میں مزار پر چادر پوشی ،محفل نعت اور محفل سماع سمیت دیگر تقریبات منعقد کی جائیں گی۔
