انٹرنیشنل مارکیٹ میں سونے کی قیمتوں میں اضافے کے بعد آج ملک بھر میں بھی سونے کی قیمتوں میں اچانک بڑا اضافہ دیکھا گیا۔ چاندی کی قیمتیں بھی بڑھ گئیں۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 4 ہزار روپے کا اضافہ ہوا اور اس اضافے کے بعد ملک میں فی تولہ سونے کی قیمت 2 لاکھ 8 ہزار روپے ہو گئی ہے۔
اسی طرح ملک بھر میں 10 گرام سونے کی قیمتوں میں بھی اضافہ ہوا اور سونا 3 ہزار 429 روپے اضافے کے بعد ایک لاکھ 78 ہزار 326 روپے میں دستیاب ہے۔
آل پاکستان جیمز اینڈ جیولرز ایسوسی ایشن کے مطابق عالمی صرافہ بازار میں سونا 13 ڈالرز اضافے کے بعد 1959 ڈالرز فی اونس میں دستیاب ہے۔
فی تولہ چاندی کی قیمت 50 روپے کے اضافے سے 2660روپے اور فی 10 گرام چاندی کی قیمت 42.87 روپے بڑھ کر 2229.87 روپے ہوگئی۔
