وزیراعلی سندھ مراد علی شاہ نے آئی جی سندھ غلام نبی میمن کے ہمراہ سندھ اسمارٹ سرویلنس سسٹم کا افتتاح کردیا۔ اسمارٹ سرویلنس سسٹم کے جدید کیمرے کراچی سمیت صوبے کے 40 ٹول پلازوں پر نصب کئے جائیں گے۔
وزیراعلی سندھ مرادعلی شاہ نے سٹی ٹول پلازہ پر سندھ اسمارٹ سرویلنس سسٹم کا افتتاح کیا۔ مرادعلی شاہ کا تقریب میں کہنا تھا کہ آج سٹی ٹول پلازہ سے سرویلنس کا آغاز کیا گیا ہے۔ اگست کے آخر تک تمام ٹول پلازے سسٹم سے منسلک ہوجائیں گے۔
وزیراعلی سندھ کا کہنا تھا کہ جدید کیمروں کی تنصیب سے داخلے یا انخلاء کی صورت میں چہروں کی شناخت ہوسکے گی۔ تمام بڑے داخلی اور خارجی راستوں کے لیے ایک جامع اور مربوط سیکیورٹی سسٹم ہوگا۔ صوبے کے داخلی اور خارجی راستوں کی مؤثر نگرانی کی جائے گی۔
KARACHI: Sindh Chief Minister Syed Murad Ali Shah unveils the plaque to inaugurate Sindh Smart Surveillance System (S-4) under which facial & number plate recognition technology has been introduced. It is being installed at entry & exit points of 40 Toll plazas. pic.twitter.com/NCdqtl2IJC
— Sindh Chief Minister House (@SindhCMHouse) August 6, 2023
مراد علی شاہ کا کہنا ہے سندھ اسمارٹ سرویلینس سسٹم کو کراچی کمانڈ اینڈ کنٹرول سینٹر سے منسلک کیا جائے گا، سسٹم پروجیکٹ کے ذریعے حفاظتی اقدامات میں مزید بہتری آئے گی، اسے سسٹم کو بنا کسی رکاوٹ کے سیف سٹی سولوشن کے ساتھ منسلک کیا جائے گا۔
اُنہوں نے کہا کہ جدید اے آئی اور اینالیٹیکل آلات کو نصب کرنے کی منظوری دی گئی ہے، ہر ٹول پلازہ پر بلاتعطل اور آسان مواصلات کے نظام کو یقینی بنایا جائے گا۔
ان کا کہنا ہے کہ ملیر لنک روڈ دسمبر تک مکمل ہوجائے گا، کے سی آر پر کل وزیرِ اعظم سے بات کروں گا، وفاق نے کے سی آر کو بہت تعطل میں ڈالا ہوا ہے۔
مراد علی شاہ نے کہا کہ ہم جام صادق برج کی جگہ نیا پل بنائیں گے اور ورلڈ بینک کی مدد سے کازوے پر بھی برج کا کام شروع ہو گیا ہے۔
اُنہوں نے کہا کہ کراچی میں پیپلز پارٹی نے کام کیا اس لیے پی پی کا میئر آیا ہے، کراچی کی سیٹوں کے ذریعے ہی ہم بلاول بھٹو کو وزیرِ اعظم بنائیں گے۔
دوسری جانب اس موقع پر آئی جی سندھ غلام نبی میمن نے تقریب سے خطاب کرتے ہوئے کہا کہ ہم محسوس کر رہے ہیں کہ ابھی سیف سٹی کا افتتاح کردیا ہے، ان کیمروں کے لگنے کے بعد جرائم پیشہ افراد کے لیے صورتحال انتہائی مشکل ہو جائے گی۔
اُنہوں نے کہا کہ یہ کیمرے سندھ کے 40 ٹول پلازہ پر لگیں گے جوکہ مجرم کے چہرے کی شناخت کر کے ہمارے سسٹم کو اطلاع کریں گے جس سے کیس حل کرنے میں آسانی ہوجائے گی۔
