سری لنکا نے پاکستان کو ہاتھی دینے کی خبروں کی تردید کردی۔ سری لنکا ہائی کمیشن نے سوشل میڈیا پر جاری پیغام میں پاکستان کو ہاتھی دینے کی خبروں کو بے بنیاد قرار دے یا۔
پاکستان میں سری لنکا ہائی کمیشن کی جانب سے سوشل میڈیا پر خصوصی پیغام جاری کیا گیا ہے۔ سری لنکن ہائی کمیشن کا کہنا ہے کہ سری لنکا نے کراچی یا لاہور کے چڑیا گھر کو ہاتھی دینے کے بارے میں نہ کوئی کارروائی کی اور نہ اس بارے میں کوئی سوچ بچار ہوا ہے۔
Sri Lanka has not taken action or discussed in providing Elephants to the Zoo’s in Karachi or Lahore, neither Government of Pakistan has made any such request.
This post indicate the correct position in view of certain articles in media and discussions on going on social media. pic.twitter.com/ErMF7hJXAn— Sri Lanka High Commission in Pakistan (@SLinPakistan) April 25, 2023
پیغام میں مزید کہا گیا ہے کہ حکومت پاکستان کی جانب سے بھی سری لنکا سے ہاتھی دینے سے متعلق کوئی سفارش نہیں کی گئی ہے۔
واضح رہے چند روز قبل کراچی چڑیا گھر میں مقیم افریقی نسل کی ہتھنی نورجہاں طویل علالت کے بعد دم توڑ گئی تھی جسکے بعد میڈیا میں سری لنکا کی جانب سے پاکستان کو 2 ہاتھی تحفہ میں دینے کی خبریں زینت بنی تھیں۔
میڈیا میں چلنے والی خبروں میں دعوٰی کیا گیا تھا کہ نورجہاں ہتھنی کی موت کے سری لنکا نے پاکستان کو دو ہاتھی تحفہ میں دینے کا فیصلہ کیا ہے جس میں سے ایک کراچی اور ایک لاہور چڑیا گھر میں رکھا جائے گا۔
