پاکستان کرکٹ بورڈ نے ورلڈکپ میں مسلسل شکستوں پر عوام اور سابق کرکٹرز سے کپتان بابراعظم اور کھلاڑیوں کو سپورٹ کرنے کی اپیل کی ہے۔ پی سی بی حکام کا کہنا ہے ورلڈکپ میں ابھی پاکستان کے میچز باقی ہیں ٹیم آئندہ میچز میں اچھے کھیل کا مظاہرہ کرے گی۔
پاکستان کرکٹ بورڈ کی جانب سے جاری اعلامئے میں کہا گیا ہے کہ ورلڈکپ میں پاکستان ٹیم کی مسلسل تین ناکامیوں پر کرکٹ بورڈ شائقین کے جذبات اور احساسات کو سمجھتا ہے لیکن اس وقت ٹیم کو سپورٹ کی سپورٹ ہے۔
اس موقع پر کرکٹ بورڈ انتظامیہ عوام اور سابق کرکٹرز سے امید رکھتی ہے کہ مشکل کی اس گھڑی میں کپتان بابراعظم اور کھلاڑیوں کی حوصلہ افزائی کی جائے۔
PCB urges cricket fraternity to support Pakistan Team
Read more ⤵️ https://t.co/yoJtz7MHBe
— PCB Media (@TheRealPCBMedia) October 26, 2023
ورلڈ کپ میں قومی ٹیم کو ابھی 4 میچز کھیلنے ہیں ، امید ہے قومی ٹیم شکست کو بھول کر آنے والے مقابلوں میں مثبت اور اچھے کھیل کا مظاہرہ کرئے گی۔
پاکستان کرکٹ بورڈ نے واضح کیا کہ سابق کرکٹرز اور میڈیا کی جانب سے کپتان بابراعظم اور ٹیم مینجمنٹ پر تنقید اور انہیں تبدیل کرنے پر کرکٹ بورڈ کا موقف ہے کہ ہار جیت کھیل کا حصہ ہے۔
چئیرمین پی سی بی مینجمنٹ کمیٹی چوہدری ذکاء اشرف نے ورلڈ کپ اسکواڈ میں چیف سلیکٹر انضمام الحق اور کپتان بابر اعظم کو مکمل فری ہینڈ دیا، اور ان کی مرضی کے مطابق ٹیم بنانے میں کسی قسم کی روکاوٹ نہیں بنے۔
مستقبل میں بورڈ ورلڈ کپ 2023ء کی پرفارمینس کی روشنی میں فیصلے آنے والے وقت پر کرے گا۔ فی الحال بورڈ مکمل طور پر آئی سی سی ورلڈ کپ 2023ء میں ٹیم سے میدان میں سبز ہلالی پرچم کی سر بلندی کے لئے اچھے کھیل کے لئے پرامید ہے ۔
