معروف میزبان و ٹی وی اینکر اور قومی اسمبلی کے سابق رکن عامر لیاقت حسین کی بیٹی دُعا عامر اور سابقہ اہلیہ بشری اقبال نے ایف آئی اے سائبر کرائم میں دانیہ شاہ کے خلاف درخواست دائر کردی۔ دعا عامر اور بشرٰی اقبال نے دانیہ شاہ کو سزا دینے کا مطالبہ کیا ہے۔
عامر لیاقت حسین کی بیٹی کا کہنا ہے کہ ہم یہی چاہتے ہیں کہ دانیہ کو سزا ملے اور پہلے دن سے ہماری یہی نیت تھی کہ ہم دانیہ پر کیس کریں گے۔
View this post on Instagram
دُعا عامر نے کہا کہ اب چونکہ دانیہ پورسٹ مارٹم کے کیس میں میرے مرحوم والد کی بیوی بن کر کُودی ہے تو ہم نے فوری درخواست دائر کرنے کا فیصلہ کیا ہے۔ ہم نے ایف آئی اے سائبر کرائم کو تمام ثبوت دے دیے ہیں اور ہم چاہتے ہیں کہ جلد از جلد دانیہ کی گرفتاری ہو۔
اُن کا کہنا تھا کہ ایف آئی اے سائبر کرائم نے ہمیں یقین دہانی کروائی ہے کہ وہ جلد از جلد دانیہ کو گرفتار کرکے کارروائی کریں گے۔ دُعا عامر نے مزید کہا کہ ہمیں اسی طرح سپورٹ کرتے رہیں، ہمیں آپ کے سپورٹ کی ضرورت ہے۔
واضح رہے کہ دانیہ شاہ کے خلاف سائبر کرائم میں تحریری شکایات مرحوم عامر لیاقت کی سابقہ اہلیہ بشریٰ اور بیٹی دعا نے جمع کرائی۔ دانیہ نے شوہر کا پوسٹ مارٹم کروانے کیلئے عدالت سے رجوع کر رکھا ہے، 28 جولائی کو ان کی درخواست کی سماعت ہوگی ۔
