-
-
سابق کرکٹر اور سابق چیئرمین پی سی بی رمیزراجہ نے ایک بار پھر کمنٹری باکس میں واپسی کا فیصلہ کرلیا۔ رمیزراجہ پاکستان اور سری لنکا کے درمیان ٹیسٹ سیریز میں کمنٹری کرتے نظر آئیں گے۔
سماجی رابطے کی سائٹ ٹوئٹر پر سابق چیئرمین پی سی بی رمیز راجا نے مداحوں کو ساؤنڈ،کیمرا ایکشن کے الفاظ سے ٹویٹ کرتے ہوئے اشارہ دیا کہ وہ کم بیک کیلئے تیار ہیں۔ رمیز راجا نے ٹوئٹ میں لکھا کہ پاکستان سری لنکا سیریز کیلئے کمنٹری پینل میں نظر آئیں گے۔
“Camera”, “Sound” and “Action!” Back in the comm box for Pak SL series.
— Ramiz Raja (@iramizraja) July 6, 2023
پی سی بی سربراہ کی ذمہ داریاں سنبھالنے کے بعد رمیز راجا نے کمنٹری سے کنارہ کشی اختیار کرلی تھی، ان کی جگہ نجم سیٹھی جب پی سی بی مینجمنٹ کمیٹی کا حصہ بنے تو نجم سیٹھی کے ساتھ اختلافات کے باعث کمنٹری میں شامل نہیں ہوئے۔
پاکستان سری لنکا سیریز کے علاوہ سابق کرکٹر ایشیاکپ اور ورلڈکپ میں بھی کھیل پر رواں تبصرہ کرتے نظر آئیں گے۔
واضح رہے کہ پاکستان اور سری لنکا کے درمیان ٹیسٹ سیریز سے قبل قومی ٹیم 11 اور 12 جولائی کو دو روزہ وارم اپ میچ کھیلے گی، پہلا ٹیسٹ گال انٹرنیشنل اسٹیڈیم میں 16 سے 20 جولائی جبکہ دوسرا ٹیسٹ کولمبو کے سنہالیز اسپورٹس کلب میں 24 سے 28جولائی تک شیڈول ہے۔
