پاکستان کے سب سے بڑے شہر اور معاشی حب کراچی کو پانی قلت کے سامنا ہے اور دھابیجی پر پائپ لائن پھٹنے کے باعث شہر کو پانی کی فراہمی معطل ہونے کے باعث بحران مذید سنگین ہوگیا ہے۔
میڈیا رپورٹس کے مطابق دھابیجی پمپنگ اسٹیشن کی پائپ لائن پھٹ گئی ہے جس کے باعث شہر کراچی کے متعدد علاقوں کو پانی کی فراہمی معطل ہوگئی ہے۔
کراچی کو پانی فراہم کرنے والی دھابیجی پمپنگ اسٹیشن کی 72 انچ قطر کی پائپ لائن پھٹ گئی ہے۔ پائپ لائن پھٹنے سے کراچی کو پانی کی فراہمی معطل ہوگئی ہے جبکہ قریبی آبادی میں پانی داخل ہوگیا ہزاروں گیلن پانی ضائع ہو رہا ہے۔
کراچی کے مختلف علاقوں شاہ لطیف ٹاؤن، لانڈھی، قائدآباد، کورنگی ملیر سمیت کئی علاقوں میں پانی کی فراہمی معطل ہونے سے پانی کی شدید قلت ہوگی۔ لائن پھٹنے سے تین پمپ بند ہیں پانی کی نکاسی کے بعد مرمتی کام شروع ہوگا۔
واٹربورڈ ذرائع کے مطابق پانی کی نکاسی ہوتی ہے مرمتی کام شروع ہوجائے گا اور جلد ہی پائپ لائن کی مرمت کرکے شہر کو دوبارہ پانی کی سپلائی شروع کردی جائے گی۔
