وفاقی حکومت نے سوشل میڈیا پر فحش اور غیر اخلاقی ویڈیوز سے لوگوں کو بدنام کرنے والوں کے خلاف کریک ڈاؤن کا فیصلہ کرلیا۔
وفاقی وزیر داخلہ رانا ثناء اللہ کا کہنا ہے کہ سوشل میڈیا پر غیراخلاقی مواد پھیلانے والوں کو گرفتارکریں گے، وزیراعظم نے ہدایت کی ہے کہ ایسے مواد کو برداشت نہ کیاجائے۔
وفاقی وزیرداخلہ رانا ثناء اللہ کے مطابق کاروائی کیلئے ایف آئی اے اور متعلقہ ادارواں کو ہدایات جاری کردی گئی ہیں۔ غیراخلاقی ویڈیوز اور تصاویر سمیت اس قسم کا گند پھیلانے والوں کا صفایا کریں گے۔
انہوں نے کہا کہ سوشل میڈیا کو لوگوں کی پگڑیاں اچھالنے کیلئے استعمال نہیں ہونے دیں گے، ایسے واقعات کی روک تھام کرنی ہے جس میں ایسے مواد کوبلیک میلنگ کیلئے استعمال کیا جاتا ہے، ہم ایسی جرمانہ سرگرمیوں میں ملوث عناصر سے آہنی ہاتھوں سے نمٹیں گے۔
واضح رہے چند روز قبل سابق وزیراعظم عمران خان سے متعلق نازیبہ ویڈیو سوشل میڈیا پروائرل ہوئی تھیں اس سے قبل پاکستان مسلم لیگ کے رہنما محمدزبیر عمر سے متعلق بھی غیراخلاقی ویڈیوز سوشل میڈیا پر وائرل ہوچکی ہیں۔ وفاقی حکومت نے اس طرح کی تمام ویڈیو کی روک تھام کیلئے کاروائی کرنے کا فیصلہ کیا ہے اور متعلقہ اداروں کو ہدایات جاری کردی گئی ہیں۔
