پاکستان میں عام انتخابات کے حوالے سے امریکا کا ردعمل آ گیا۔ ترجمان امریکی محکمہ خارجہ کے مطابق امریکا کی دلچسپی جمہوری عمل میں ہے۔ الیکشن کے دوران اظہار رائے پر پابندیاں پریشان کن ہیں۔
امریکی محکمہ خارجہ کے ترجمان نے کہا ہے کہ پاکستان میں انتخابی نتائج ابتدائی اور غیر حتمی ہیں ، جب تک حتمی اور سرکاری نتائج نہیں آتے ہم کوئی تبصرہ نہیں کریں گے۔
امریکی محکمہ خارجہ کے ترجمان ویدانت پٹیل نے پریس بریفنگ میں کہا کہ ووٹنگ کے دوران پرتشدد واقعات کی مذمت کرتے ہیں۔
انھوں نے کہا کہ تشدد نے پورے پاکستان میں سیاسی جماعتوں کو متاثر کیا ہے۔ ویدانت پٹیل نے کہا کہ پاکستان کی قیادت کا فیصلہ عوام کو کرنا ہے۔
ترجمان امریکی محکمہ خارجہ نے کہا کہ امریکا کی دلچسپی جمہوری عمل میں ہے، الیکشن کے دوران آزادی اظہار پر پابندیاں پریشان کن ہیں۔
