عام انتخابات کیلئے کراچی والوں نے جماعت اسلامی سے امیدیں لگالیں۔ پلس کنسلٹنٹ کے سروے میں جماعت اسلامی شہرقائد کی مقبول ترین جماعت بن کر سامنے آئی ہے۔
پلس کنسلٹنٹ عام انتخابات سے قبل کراچی والوں کی رائے جانے کیلئے 30 جنوری سے یکم فروری تک سروے کرایا۔ سروے کو دو حصوں میں کرایا گیا جس میں سوال پوچھا گیا کہ کراچی کے مسائل کون حل کرسکتا ہے۔
سروے کے مطابق جماعت اسلامی کراچی میں 19فیصد کے ساتھ ووٹرز کی پہلی ترجیح ہے جنوری سے پہلے کے سروے میں جماعت اسلامی بارہویں نمبرپر تھی۔
تحریک انصاف کی مقبولیت میں کمی ہوئی ہے جو 24 فیصد سے کم ہو کر19فیصد پر آگئی۔ پیپلزپارٹی کا 6 فیصد کے ساتھ تیسرا اور ایم کیوایم کا 5فیصد کے ساتھ چوتھا نمبر ہے۔
سروے کے مطابق کراچی میں صرف 2،2 فیصد ووٹرز ن لیگ اور ٹی ایل پی کو ووٹ دینا چاہتے ہیں۔ 17جنوری سے 20 جنوری سروے میں 53 فیصد کے رائے میں حافظ نعیم الرحمان کو مسیحا سمجھا گیا۔ 30 سے یکم جنوری سروے میں 51فیصد حافظ نعیم کے حامی نکلے۔ خرم شیر، مرتضیٰ وہاب، مصطفیٰ کمال کےحق میں10فیصد بھی نہیں ہے۔
