پاکستان کے معروف لکھاری، دانشور اور مزاح نگار انور مقصود کے بیٹے اور گلوکار بلال مقصود نے والد کی زندگی خطرے میں ہونے کا خدشہ ظاہر کیا ہے۔
سماجی رابطے کی ویب سائٹ ٹوئٹر پر بلال مقصود نے انورمقصود کے جعلی اکاؤنٹ کے چند اسکرین شاٹ شیئر کیے جس سے اشتعال انگیز ٹوئٹ کیا گیا تھا اور دوسرا مذکورہ اکاؤنٹ کی جانب سے گلوکار کو بلاک کرنے کے حوالے سے تھا۔
بلال مقصود نے مذکورہ ٹوئٹ کرتے ہوئے لکھا کہ اس قسم کی جعلی ٹوئٹس نے میرے ابو کی جان کو خطرے میں ڈال دیا ہے۔
These kinds of fake tweets only put my Abbu’s life in danger. This guy has already blocked me. Please can you all report this account. Abbu does not post anything on social media. His actual account has only 3 posts. We made that account so we can report all the fake ones. pic.twitter.com/BP5G749sEy
— Bilal Maqsood (@bilalxmaqsood) July 19, 2023
بلال مقصود نے انور مقصود کے نام سے چلائے جانے والے جعلی اکاؤنٹ کے حوالے سے مزید لکھا کہ اس آدمی نے مجھے پہلے ہی بلاک کر دیا ہے۔ براہ کرم آپ سب اس اکاؤنٹ کو رپورٹ کریں۔
انہوں نے ایک بار پھر بتایا کہ انکے ابو انورمقصود سوشل میڈیا پر کچھ بھی پوسٹ نہیں کرتے۔ ان کے اصل اکاؤنٹ میں صرف 3 پوسٹس ہیں۔ ہم نے وہ اکاؤنٹ بھی اس لئے بنایا ہے تاکہ ہم تمام جعلی اکاؤنٹس کی اطلاع دے سکیں۔
