کراچی کے علاقے بھینس کالونی میں افسوسناک واقعہ پیش آیا۔ معمولی گھریلو جھگڑا سنگین صورتحال اختیار کرگیا۔ بڑے بھائی نے چھوٹے بھائی کو قتل کردیا۔
تفصیلات کے مطابق بھینس کالونی میں ہونے والے گھریلو جھگڑے دوران گولیاں چل گئیں۔ بڑے بھائیوں نے مبینہ طور پر گولی مار کر چھوٹے بھائی کو قتل کردیا۔
پولیس نے واقع کی اطلاع ملتے ہی فوری طور پر کاروائی کی مبینہ طور پر چھوٹے بھائی کو قتل کرنے والے 3 بھائیوں کو گرفتار کرلیا۔
پولیس کا کہنا ہے کہ ملزمان نے گھر کے تنازعہ پر زوہیب کو گولی مار کر شدید زخمی کردیا تھا۔ زوہیب کو استعمال منتقل کیا گیا لیکن اسپتال منتقلی کے دوران ہی وہ دم توڑ گیا۔ ڈاکٹرز نے بھی زوہیب کی موت کی تصدیق کردی۔
پولیس نے واقعہ کا مقدمہ درج کرکے مذید کاروائی شروع کردی ہے۔ پولیس کا کہنا ہے کہ ملزمان کے زیر استعمال اسلحہ کی تلاش جاری ہے اور ملزمان سے بھی تفتیش کی جارہی ہے۔
