-
-
ایم کیو ایم کے رہنما اور سابق وزیر رؤف صدیقی کو طبیعت خراب ہونے پر این آئی سی وی ڈی منتقل کیا گیا جہاں ڈاکٹرز نے انہیں دل کا دورہ پڑنے کی تصدیق کی۔
ترجمان کے مطابق رؤف صدیقی کیس کے سلسلے میں ہائیکورٹ آئے ہوئے تھے جہاں متعلقہ عدالت کے جج کی چھٹی کے باعث وہ کیفے ٹیریا میں چائے پی رہے تھے کہ اس دوران انہیں دل میں تکلیف ہوئی۔
متحدہ قومی موومنٹ (ایم کیوایم) پاکستان کے ترجمان نے بتایا کہ رؤف صدیقی این آئی سی وی ڈی اسپتال میں داخل ہیں جہاں انہیں طبی امداد فراہم کی جارہی ہے۔
قومی ادارہ برائے امراض قلب (این آئی سی وی ڈی) کے ترجمان نے رؤف صدیقی کو دل کا دورہ پڑنے کی تصدیق کی ہے۔ رؤف صدیقی کی دل کے دورے کے باعث انجیوپلاسٹی کی گئی ہے۔
اسپتال کے ترجمان کا کہنا ہے کہ دل کا دورہ پڑنے کے سبب رؤف صدیقی کے پھیپھڑوں میں پانی جمع ہوگیا تھا۔ انکی پرائمری انجیوپلاسٹی کردی گئی ہے۔ انجیوپلاسٹی کے دوران رؤف صدیقی کو ایک اسٹنٹ لگایا گیا ہے۔
