ایشیا کپ کرکٹ ٹورنامنٹ کے کمنٹری پینل کا اعلان کردیا گیا۔ وسیم اکرم، روی شاستری، میتھیو ہیڈن سمیت دنیائے کرکٹ کے معروف کھلاڑی ایشیا کپ میں میچز پر رواں تبصرہ کرتے نظر آئیں گے۔
ایشیا کپ کیلئے اعلان کردہ کمنٹری پینل میں بھارت کے 11، پاکستان کے 4، سری لنکا، زمبابوبے، آسٹریلیا اور انگلینڈ کا بھی ایک ایک کھلاڑی شامل ہیں۔
پاکستان کرکٹ ٹیم کے سابق کپتان وسیم اکرم، وقار یونس، عامر سہیل اور بازید خان کو ایشیا کپ کے میچز میں کمنٹری کیلئے منتخب کیا گیا ہے۔
From champions in the field to champions on-air! 🙌🏻
Our panel of cricketing legends, analytical experts and inimitable broadcasters are set to elevate the #AsiaCup2023 action like never before. 😍Tune-in to #AsiaCupOnStar
Aug 30 | 2 PM | Star Sports Network#Cricket pic.twitter.com/VOHaAbQQIF— Star Sports (@StarSportsIndia) August 18, 2023
بھارت کے روی شاستری، گوتم گمبھیر، ہربھجن سنگھ، عرفان پٹھان، سنجے بانگر، پیئوش چاولہ، سنجے منجریکر، دیپ داس گپتا، محمد کیف، ادیتیا تاڑے اور رجت بھاٹیئا شامل ہیں۔
انگلینڈ کے ڈومنک کورک، آسٹریلیا کے میتھیو ہیڈن، سری لنکا کے مارون اتاپتو اور زمبابوے کے اینڈی فلاور بھی ایشیا کپ کے میچز میں رواں تبصرہ کریں گے۔
واضح رہے کہ ایشیا کپ کا میزبان پاکستان ہے اور ایونٹ دو مراحل میں پاکستان اور سری لنکا میں کھیلا جائے گا، ایونٹ کا آغاز ملتان سے ہوگا جس میں 30 اگست کو میزبان ٹیم پاکستان اور نیپال آپس میں ٹکرائیں گی۔
ٹورنامنٹ کے چار میچز پاکستان جب کہ فائنل سمیت 9 میچز سری لنکا میں کھیلے جائیں گے، ایونٹ کا سب سے بڑا مقابلہ پاک بھارت ٹاکرا 2 ستمبر کو کینڈی میں شیڈول ہے۔
