لاہور:دُنیا بھر میں مقبول ترک ڈرامہ سیریز ’ارطغرل غازی‘ میں مرکزی کردار ادا کرنے والے اداکار انگین آلتان کو پاکستان لانے والے ٹاک ٹاکر اور بزنس مین کاشف ضمیر کو پولیس نے گرفتار کرلیا گیا۔
پولیس نے انگین آلتان کے ساتھ فراڈ کرنے والے اور متعدد فراڈ کیسز میں مطلوب کاشف ضمیر نامی نوسرباز کو گرفتار کرنے کےلیے ایس ایس پی انویسٹی گیشن کی زیر نگرانی کارروائی کی۔
پولیس نے ارتغل غازی کا کردار نبھانے والے ترک اداکار کو بلانے والے نوسر باز کاشف ضمیر کی گرفتاری کے ساتھ اسلحہ بردار ساتھیوں کو بھی گرفتار کرلیا۔
کاشف ضمیر نے ترک اداکار انگین آلتن کو پاکستان بلانے کےلیے دس لاکھ ڈالرز کا معاہدہ کیا تھا اور انہیں صرف آدھی رقم ادا کی، رقم پوری نہ ملنے پر ارطغرل غازی کے ہیرو انگین وطن واپس روانہ ہوئے گئے۔
پولیس کے مطابق اینگن التان کی میزبانی کرنے والا ملزم کاشف ضمیر 8 مقدمات میں ملوث ہے۔
ملزم کاشف ضمیر کے خلاف فراڈ، امانت میں خیانت، کار چوری اور ڈکیتی سمیت سنگین مقدمات درج ہیں۔
